رز بالبشاميل والكبدة

رز بالبشاميل والكبدة

المقادير:-

1. 2 كوب أرز.
2. 0.25 كيلو كبدة فراخ.
3. بصلة صغيرة مفرومة.
4. 2 ثمرة فلفل ألوان مقطّع شرائح.
5. كوب زيتون مقطّع شرائح.
6. 4 ملعقة كبيرة زبدة.
7. 2 فص ثوم مفروم.
8. 2.5 كوب ميه.
9. مكعب مرقة دجاج.
10. 0.5 ملعقة صغيرة قرفة.
11. 0.5 ملعقة صغيرة بهارات.
12. 0.5 ملعقة صغيرة جوزة الطيب.
13. كوب جبنة رومي مبشورة.
14. ملح وفلفل.

مقادير ( الباشمل ) :-

1. 3 ملعقه كبيرة دقيق.
2. 2 ملعقة كبيرة زبدة.
3. 0.5 كيلو لبن.

طريقة التحضير:- 

• شوّحي البصل والثوم في الزيت لمدة دقيقتين , وبعد ذلك قطّعي الكبدة قطع صغيرة وضعيها مع البصل . 
• اتركي الكبدة على نار عالية الى ان تغلي وتنزل ميّتها، وبعد ذلك تشربها تاني , وقللي الحرارة وغطّي الحلة، واتركيها تستوي على نار هادية.
• قبل ان تستوي الكبدة ضيفي عليها الفلفل، وبعد ذلك ضيفي الزيتون وتبّليها بالملح والفلفل والبهارات والقرفة وجوزة الطيب.
• في نفس الوقت اسلقي الأرز , و ذلك بأن تتركي مياه على النار لحد ما تغلي , وبعد ذلك ضعي فيها ملح، وملعقتين زبدة , ومكعب مرقة دجاج , وبعد ذلك ضعي الأرز بعد ان تغسليه جيدا .
• اتركي الأرز على نار عالية الى ان يتشرب المياه، وبعد ذلك هدّي الحرارة جدا وغطي الحلة , واتركيها الى ان يستوي الأرز .
• في نفس الوقت اعملي البشاميل , وذلك بإنك تخلطي الدقيق مع الزبدة وتقلّبيهم على النار الى ان يبقى الدقيق لونه دهبي , وبعد ذلك صبّي عليه اللبن وقلّبيه بسرعة حتى لا يكون الدقيق كتل , والصوص يبقى ناعم , وتبّليه بالملح والفلفل ومكعب مرقة دجاج , ولو حسّيتي إن الصوص اصبح ثقيل ممكن تزوّديه شوربة أو لبن الى ان يصل للسُّمك اللي إنتي عايزاه .
• بعد ذلك رصي كل المكونات في القالب : ضعي طبقة أرز في الأول , وبعد ذلك ضعي الكبدة , وبعد ذلك طبقة ثانية من الأرز , وبعد ذلك ضعي البشاميل في الآخر , و رشي عليه الجبنة وادخّليه الفرن لمدة 20 دقيقة أو الى ان  يحمر وشه , وقدّميه .

بالهنا والشفا

مع تحيات (وصفتك)